Хаттаманың шығарылған орны: Астана қ., Мәңгілік ел, 30

Өткізілген күні мен уақыты: 03.10.2025ж. сағат 11:00

Төрағасы:  Балажан Серғали Абайұлы

Хатшы: А.Б. Алпысбай

Қатысушылар:

1. Балажан Серғали Абайұлы
2. Смайлов Жандос Мейірбекұлы
3. Сағымбеков Ынтымақ Қалқаманұлы
4. Бекбергенова Молдыр Аскаровна
5. Хумарзах Алтынбек
6. Ділдебай Айдын Қайсарұлы
7. Муратбек Лена
8. Тоқбай Серікжан

Қатыспағандар: жоқ

Көркемдік кеңестің отырысына кеңестің 8 мүшесі қатысып отыр. Көркемдік кеңестің отырысы бетпе-бет дауыс беру әдісімен жүзеге асырылатын болады. Көркемдік кеңестің отырысын өткізуге арналған кворум бар. Көркемдік кеңес шешім қабылдауға құқылы.

КҮН ТӘРТІБІ

1. Көркемдік кеңес отырысының хатшысын сайлау;
2. Көркемдік кеңестің төрағасын сайлау;
3. kz интернет-порталына келген ұсыныстарды қарастыру.

ТЫҢДАЛДЫ

Бірінші сұрақ бойынша

Сөз сөйлегендер:

Л. Муратбек: – Бүгінгі көркемдік кеңес отырысының хатшысын сайлап алайық.

Ұсынылды:

Бүгінгі көркемдік кеңес отырысының хатшысы етіп «El.kz» интернет-порталының үйлестірушісі А.Бақытқызын сайлау.

Дауыс беру нәтижесі:

«Келісемін»  – 8

«Қарсымын»  – 0

«Қалыс қалды» – 0

Шешім қабылданды:

А. Бақытқызы көркемдік кеңес отырысының хатшысы етіп сайлансын!

Екінші сұрақ бойынша

Сөз сөйлегендер:

El.kz интернет-порталының бас редакторы Лена Муратбек:

Хатшы сайланды, енді көркемдік кеңестің төрағасын сайласақ. Мен көркемдік кеңес отырысының бастамашысы ретінде Басқарма Төрағасының орынбасары Балажан Серғали Абайұлын  Кеңес төрағалығына ұсынамын. Дауыс берсеңіздер…

Дауыс беру нәтижесі:

«Келісемін»  – 8

«Қарсымын»  – 0

«Қалыс қалды» – 0

Шешім қабылданды:

С.А.Балажан көркемдік кеңестің төрағалығына сайлансын!

«El.kz» интернет-порталының бас редакторы Лена Муратбек:

– «Qazcontent» акционерлік қоғамы 2025 жылы Қоғамның сайтында мемлекеттік тапсырыс аясында 500 минут көлемінде мультимедиалық контент жасау үшін әлеуетті сыртқы жеткізушілерден шығармашылық ұсыныстар қабылдау туралы хабарландыру жариялады. Талап етілген жанр – сұхбаттар циклін жасау. Үш әлеуетті жеткізушіден ұсыныстар келіп түсті.

Ұсынғандар:

1. Әлеуетті жеткізуші «Сарыбастау» ЖК «Біздің жұлдыз» атты сұхбаттар циклін ұсынды. Өтініш қабылданбады. Себептер: нарықта кемінде екі жылдық тәжірибені растайтын құжаттардың (шарттардың, актілердің) болмауы; тиісті қаржы жылына арналған республикалық бюджет туралы заңда белгіленген айлық есептік көрсеткіштің алты еселенген мөлшерінен асатын салық берешегінің болмауы туралы анықтаманың ұсынылмауы; жеткілікті материалдық (қажет болған жағдайда меншік құқығын растайтын құжаттарды, егер жалға алынған болса, жалдау шартын және жалға берушінің меншік құқығын растайтын құжаттарды қоса беру) және еңбек ресурстарының (қажет болған жағдайда еңбек шартын немесе өтеулі қызметтер көрсету шартын қоса беру) бар екенін дәлелдейтін құжаттардың болмауы, сондай-ақ құқық қабілеттілігін растайтын құжаттардың ұсынылмауы.
2. Әлеуетті жеткізуші «Рысқиев» ЖК «Ащы сұхбат» атты сұхбаттар циклін ұсынды. Өтініш келесі себептер бойынша қабылданбады: нарықта кемінде екі жылдық тәжірибені растайтын құжаттардың (шарттардың, актілердің) болмауы; жеткілікті материалдық (қажет болған жағдайда меншік құқығын растайтын құжаттарды, егер жалға алынған болса, жалдау шартын және жалға берушінің меншік құқығын растайтын құжаттарды қоса беру) және еңбек ресурстарының (қажет болған жағдайда еңбек шартын немесе өтеулі қызметтер көрсету шартын қоса беру) бар екенін растайтын құжаттардың болмауы, сондай-ақ құқық қабілеттілігін растайтын құжаттардың ұсынылмауы.
3. Әлеуетті жеткізуші AiMedia сұхбаттар циклін ұсынып отыр. Бағдарламаның аты «Заң мен тәртіп» аясында «Қоғам және тәртіп» сұхбат жобасының концепциясын ұсынды. Жобаның мақсаты қоғамда құқықтық мәдениетті арттыру, азаматтардың заң алдындағы жауапкершілігін күшейту  және түсінікті тілде ақпарат беру. Жобаның барлық құжаттары толық ұсынылған.

Ұсынылды:

Аталған үш коммерциялық ұсыныстың ішінен «AiMedia» жеке кәсіпкерлігі ұсынып отырған «Заң мен тәртіп» сұхбат жобасы барлық талаптарға сәйкес келді, барлық құжаттарын толық ұсынды. Ал басқа компанияларға құжаттарын түгендеп өткізуі үшін 3 күн уақыт бердік. Алайда, ешбір компания байланысқа шыққан жоқ. Құжаттарын түгел ұсынған,  жобасы да бізге сәйкес келіп тұрған  AiMedia ЖК келісімшарт жасасақ дейміз.

Дауыс беру нәтижесі:

«Келісемін»  – 8

«Қарсымын»  – 0

«Қалыс қалды» – 0

Шешім қабылданды:

Көркемдік кеңес мүшелерінің бірауыздан дауыс беруі нәтижесінде «АіМеdia» ЖК «Заң мен тәртіп»   ұсынған жоба лайықты деп танылды.